يوم الاربعاء 10/1/1437 ..
كان موعد مقاسات والخميس يوم موعد التنويم وايضا مقاسات
رحت لموعد المقاسات وخلصت الحمدلله قالوا احتمال مافيه تنويم بسبب حالات اللحرب وتتسكر بوجهي من كل
من 8 رايحة الموعد وانتظر وانتظر المهم كل شوي مكتب التنويم يقولون انتظروا ساعه وننتظر ونروح الاداره قالوا مافيه و و و
الساعه 2 ونص كذا قلت خلاص مابي تنويم عطوني اعذار للجامعة الثلاث ايام اللي غبتها والله وانا اتكلم قال اصبري شوي لين اخر لحظه نجرب
شوي بس كلمت قالوا خلاص فيه وانقز في قلبي ذيك النقزة المهم وااسوي الأجرآت الطبية كلها
اللي هي متبرعين بالدم اثنين + تحليل + موعد التخدير والاشياء هذي
المهم واتنويم يومها بالمستشفى ثاني يوم الجمعة جوا قالوا ضروري تطلعين تركبين خطافات التقويم لكل اسنانك قلت تمام وطلعت فعلاً وسويتها
ورجعت السبت وجاء الليل وصمت الحمدلله بالليل وبدا المغذي طبعاً اكذب اذا قلت نمت ههههه:(
على العموم جلست على جوالي لييين الساعه 7 بعدها الممرضات جو بسرير العمليات عشان انزل المرحلة اللي قلبي يرجف فيها وجلست ادمع فيها
دخلت غرفة ماقبل العمليات جتني دكتورتي الاستشارية امتنان الماجد وتطمني وانا دمووع وامي معي
جت الصدقية والساعه 7 ونص يمكن دخلوني غرفة العمليات وانا مغمضه عيوني مابي اشوف الادوات والغرفة واهون
طبعاً كل شوي اكلم نفسي فكري في بعدين مو اللحين ودخخخت من التخدير
صحيت في غرفة الافاقة الساعه 2 ونص وعليها معي الممرضه قالت لي اسمها عيوش تقولي وش هالزيييين هههههه
شوي شوي استفرغت عليهم دم طبعاً وفصخوني ولبسوني من جديد
بهذي اللحظات قالوا لي ادخل العناية
مو العناية المشددة ضروري اكون تحت الملاحظة
لمدة 24 ساعة المهم كنت في لحظات اصحى وارجع انام وممعي ممرضة اسمها مريم يازين امها بس على المعاملة
استفرغت دم كثير طبعاً لان قالوا لي احتمال يحصل نزيف من الفم
كان مغذي بيدي وابره ثانيه مضار وابره مدري ليش بس ماكانت بالوريد
وبعد كان الضغط بيدي كل الوقت بنفسة
وكانوا ملبسيني شراب حق تجلط الدم وشي زي حق الضغط يمكن بالساعه 3 مرات ينتفخ برجلي
وانا بالعناية ناديت وكانوا متجمعين حولي وحاولت اكتب وكتبت بلغغغغم كنت منكتمه
بسبب خشمي بعد مسكر مافيه نفس
وسحبوا البلغم كل بعر ساعات تجي تسحبه
وطول اليومين هذي بدون جوال بس ماكنت احس بالملل تفكيري كيف شكلي وش صار في شكلي
ليست هناك تعليقات:
إرسال تعليق